O colexio Ben-Cho-Shey amplía as súas instalacións cun investimento de máis de 2 millóns de euros
O colexio público Ben-Cho-Shey, situado no concello ourensán do Pereiro de Aguiar, segue medrando grazas a un proxecto de ampliación que suma novas aulas e espazos, ademais de diversas melloras nas súas instalacións. A actuación ten como obxectivo dar resposta ás necesidades actuais da comunidade educativa, formada por preto de 300 alumnos e alumnas.
Esta ampliación conta cun orzamento de investimento que supera os 2 millóns de euros e enmárcase dentro das actuacións que se están a impulsar para mellorar as infraestruturas educativas do municipio.
Paralelamente, tamén avanza o proxecto do futuro instituto do Pereiro de Aguiar, unha infraestrutura que permitirá que o municipio conte cunha oferta educativa pública e gratuíta que abranga todas as etapas, dende os 0 até os 18 anos.
Con estas actuacións, aségurase que se segue a traballar para garantir uns servizos públicos de calidade e para mellorar as condicións educativas das familias do municipio.