Cultura

A mostra poderá visitarse ata finais de mes e reúne pezas realizadas con acrílico, óleo e diversas técnicas secas

A Casa da Cultura de Chantada acolle, ata finais deste mes, a exposición 'Habitando no lenzo', do artista Xandre Otero, licenciado en Belas Artes e afincado en Pontevedra.

O autor traballa principalmente co acrílico e o óleo, ademais de recorrer a unha gran variedade de técnicas secas, para dar forma a pezas marcadas pola cor e o movemento.

Sobre a súa forma de entender a pintura, o propio artista explica que, "a través da cor, a textura e a luz, busco capturar emocións e atmosferas que conecten de xeito íntimo coa mirada do espectador".

A mostra permanecerá aberta ao público durante as próximas semanas.