Taboada continúa coas melloras na súa rede viaria graznas aos equipos do Parque Móbil da Deputación de Lugo
Os equipos do Parque Móbil da Deputación de Lugo continúan realizando traballos de mellora en diferentes vías do municipio de Taboada, despois de actuar recentemente no acceso a Penasagudas.
As novas intervencións concentráronse principalmente na parroquia de Arxiz. Entre elas, acometeuse a mellora da vía que comunica a LU-212 coa N-540 ao seu paso polas parroquias de Arxiz e Torre.
Os traballos tamén incluíron a rexeneración do acceso ao lugar de Bosende desde o cruce de Lustiás, co obxectivo de mellorar as condicións de circulación por este tramo.
Outra das actuacións desenvolveuse na pista que dá acceso aos lugares de Arxiz e Sampaio, onde se acondicionou un dos seus tramos.
Ademais, aproveitando a proximidade das zonas nas que se estaban realizando os traballos, os equipos do Parque Móbil interviñeron tamén na pista que comunica os lugares de Lustiás e A Baiuca, xa na parroquia de Couto, onde se procedeu á mellora do firme.
Desde o Concello de Taboada destacan a continuidade destes traballos de mantemento e acondicionamento das vías municipais, que neste caso abrangueron diferentes puntos das parroquias de Arxiz, Torre e Couto.