Ribas de Sil mellora o acceso ao Castro de Abaixo cun investimento de 33.068 euros
O Concello de Ribas de Sil iniciou as obras previstas no Castro de Abaixo para mellorar as condicións de acceso e a seguridade nesta zona da aldea.
A actuación contempla a construción dunha escollera, así como o ensanche e a repavimentación do camiño que comunica coas vivendas situadas na parte alta do núcleo.
Os traballos contan cun orzamento de 33.068,07 euros, financiado a través do convenio de colaboración establecido coa Deputación de Lugo.
O proxecto permitirá actuar sobre unha das vías de acceso ao núcleo e mellorar as condicións de circulación para os veciños e veciñas do Castro de Abaixo.
Con esta intervención, o Concello continúa coa execución de actuacións destinadas ao acondicionamento das infraestruturas e dos accesos nos diferentes núcleos de poboación do municipio.