O Xeoparque Montañas do Courel organiza unha xornada sobre os solos da serra
O Xeoparque Montañas do Courel celebrará o vindeiro 10 de outubro unha nova xornada do programa ‘Outono Xeolóxico 2026’, dedicada nesta ocasión ao estudo dos solos das Montañas do Courel.
A actividade desenvolverase na Estación Científica do Courel entre as 10.30 e as 19.00 horas. A programación comezará cunha charla sobre ‘Os solos das Montañas do Courel’, que será impartida por Augusto Pérez Alberti entre as 10.30 e as 12.30 horas.
Pola tarde, de 15.30 a 18.30 horas, terá lugar unha saída de campo para coñecer sobre o terreo os contidos abordados durante a xornada.
As prazas para participar son limitadas e é necesario inscribirse previamente a través do código QR habilitado pola organización. Para obter máis información, as persoas interesadas poden contactar co Xeoparque no teléfono 982 435 125 ou no enderezo de correo electrónico xeoparquemontanasdocourel@gmail.com.