O Saviñao recibe o sábado a obra de teatro ‘Dona Clara’ no Auditorio de Escairón

RibeiraSacraXa
A representación, a cargo do Círculo Saviñao e o colectivo Ollomao, está inspirada no texto de Friedrich Dürrenmatt ‘A visita da vella dama’
Teatro Círculo Saviñao 'Dona Clara'
19 Nov 2026

O concello do Saviñao recibirá este sábado, 21 de novembro, ás 18.00 horas, a representación da obra de teatro ‘Dona Clara’, que terá lugar no Auditorio de Escairón.

A proposta chega da man do Círculo Saviñao, en colaboración co colectivo cultural Ollomao, procedente de Barreiros, que son os encargados de levar esta creación a escena ante o público local.

Segundo se indica, ‘Dona Clara’ é unha produción propia de Ollomao que toma como referencia a coñecida obra do dramaturgo suízo Friedrich Dürrenmatt “A visitada vella dama”, un dos textos máis recoñecidos do teatro europeo do século XX.

Deste xeito, o colectivo Ollomao traslada á súa propia creación a esencia daquel relato orixinal, ofrecendo ao público de O Saviñao a oportunidade de gozar dunha proposta escénica con raíces nun clásico da dramaturxia internacional.

A actividade, que se desenvolverá no Auditorio de Escairón, conta co respaldo da Deputación de Lugo, a través da súa área de Cultura, dependente da Vicepresidencia da institución provincial, que colabora na organización desta cita teatral.

0.16246199607849