Eventos

O concerto formou parte do V Ciclo de Concertos de Grupos Monfortinos, organizado polo Concello dentro do Verán Cultural, que continúa hoxe cunha dobre sesión na Praza da Compañía

A Praza da Estación de Monforte de Lemos volveu encherse de música esta semana coa actuación do grupo Nectarine Soul, dentro do V Ciclo de Concertos de Grupos Monfortinos. A iniciativa, impulsada polo Concello de Monforte como parte do Programa do Verán Cultural, reúne ao longo de seis xornadas a diferentes formacións locais en varios espazos da cidade ata finais de agosto.

O ciclo arrancou o martes coas actuacións de Segunda Parte e Rockin'KB na Praza de España, e continuou coa cita de Nectarine Soul na Praza da Estación. Ambas as dúas xornadas rexistraron unha notable afluencia de público, que puido gozar de propostas musicais de estilos e xéneros diversos.

O alcalde de Monforte, José Tomé, destacou que a finalidade deste ciclo é dar visibilidade e proxección ás bandas locais, ofrecendo aos artistas monfortinos un escenario no que amosar o seu traballo ante a veciñanza. Nas súas propias palabras, "queremos que os grupos monfortinos sexan os protagonistas e que a veciñanza teña a oportunidade de descubrir e desfrutar da música que se fai na nosa propia cidade". O rexedor subliña así que a programación funciona como punto de encontro entre os músicos locais e a veciñanza, contribuíndo a dinamizar a vida cultural do municipio.

O ciclo continúa hoxe cunha dobre sesión na Praza da Compañía, protagonizada por Galga Blues Band e Bella Chaos.

Vindeiras citas do ciclo

Xoves 20 de agosto

• 22.30 horas – Praza da Compañía – Galga Blues Band
• 00.00 horas – Praza da Compañía – Bella Chaos

Martes 25 de agosto

• 23.00 horas – Praza da Estación – Movilla y Los Irrepetibles

Mércores 26 de agosto

• 22.30 horas – Praza da Compañía – Deuce
• 00.00 horas – Praza da Compañía – Los Jinetes del Trópico

Xoves 27 de agosto

• 22.30 horas – Praza de España – 7 Rojo
• 00.00 horas – Praza de España – El Mundo de Sofía Band