Manzaneda mellora a estrada que comunica a vila con San Martiño
O Concello de Manzaneda está a executar traballos para mellorar a capa de rodadura da estrada que comunica os núcleos de Manzaneda e San Martiño, unha actuación que permitirá completar a mellora dunha vía que quedara parcialmente sen acondicionar.
O primeiro tramo non fora incluído no proxecto inicial, polo que a actuación actual permite dar continuidade aos traballos ao longo da estrada e completar a capa de rodadura.
As obras están financiadas integramente pola Deputación de Ourense, que achega 10.000 euros para o primeiro tramo e outros 150.000 euros para o segundo, o que supón un investimento total de 160.000 euros.
O Concello de Manzaneda prevé continuar coa actuación coa mellora das beirarrúas ao longo de todo o tramo, co obxectivo de completar o acondicionamento da contorna da estrada.