Emilio Rúa leva o seu cancioneiro en galego ao Mosteiro de Santa María de Montederramo
Montederramo suma esta tarde unha nova cita á súa programación veraniega coa actuación do cantautor ourensán Emilio Rúa, que subirá ao escenario do Mosteiro de Santa María ás 19.30 horas, con entrada libre para todos os públicos.
Emilio Rúa é unha das voces máis recoñecidas da canción de autor en galego. Nado en Vendas da Barreira (Riós), comezou aos sete anos no grupo familiar Concorde Atenea, xunto ao seu pai e os seus catro irmáns, antes de iniciar no ano 2000 unha traxectoria en solitario que xa suma máis de dúas décadas. O seu tema 'Vida miña' foi escollido polos lectores de La Voz de Galicia como unha das dez mellores cancións galegas de todos os tempos, e ao longo da súa carreira recibiu distincións como o premio 'Cantigas de Maio' de Ceutí (2004) e o de Novos Cantautores de Elche (2006).
O seu repertorio, marcado pola sensibilidade e o compromiso coa lingua galega, deu lugar a colaboracións con artistas como Rosa Cedrón, coa que mantén unha relación artística consolidada en formato de dúo, así como a proxectos como o disco 'Duetos', gravado xunto a nomes como Pablo Milanés, Rozalén, Víctor Manuel ou Carlos Goñi.