As Xornadas de Folclore chegan á Pobra de Trives e Viana do Bolo cunha noite dedicada á música e á danza internacional
A Pobra de Trives volverá converterse nun punto de encontro de diferentes culturas coa chegada das Xornadas de Folclore de Ourense. O vindeiro luns 17 de agosto, ás 22.30 horas, o Patio de Santa Leonor será escenario dunha noite na que a música e a danza servirán para achegar ao público as tradicións de tres países.
Sobre o escenario actuarán os grupos procedentes de Armenia, México e Senegal, que presentarán diferentes formas de entender o folclore e a cultura dos seus respectivos territorios.
A programación permitirá coñecer o talento e as tradicións de formacións chegadas de diferentes partes do mundo, nunha cita que empregará a música e a danza como linguaxe común entre culturas e persoas.
Á mesma hora, ás 22.30 horas, as Xornadas de Folclore tamén chegarán á Praza Maior de Viana do Bolo, onde actuarán os grupos de Ecuador, Serbia e Taiwán.