Cultura

A iniciativa, desenvolvida xunto con distintas casas-museo e a Universidade da Coruña, busca coñecer a percepción da cidadanía sobre a Casa-Museo Uxío Novoneyra e o territorio no que se integra

A Fundación Uxío Novoneyra anima a veciñanza a participar no proxecto Terraverso, unha iniciativa desenvolvida en colaboración con diferentes casas-museo e a Universidade da Coruña.

O proxecto pretende coñecer a experiencia e a opinión da cidadanía sobre a Casa-Museo Uxío Novoneyra e sobre o territorio ao que está vinculada. Para recoller estas valoracións, as persoas interesadas poden cubrir un breve cuestionario.

A participación está aberta á veciñanza e permitirá contribuír á elaboración dun diagnóstico que busca ser completo e representativo da percepción cidadá.

Desde a Fundación Uxío Novoneyra destacan a importancia da colaboración da cidadanía para avanzar nos obxectivos do proxecto.