Vilarrubín, na Peroxa, prepara catro días de festa na honra á Virxe do Rosario
Vilarrubín, na Peroxa, celebrará do venres 2 ao luns 5 de outubro as festas na honra á Virxe do Rosario cun programa que combina actividades gastronómicas, xogos tradicionais e música.
As celebracións comezarán o venres 2 ás 22.30 horas cunha pancetada gratuíta. A continuación, a música correrá a cargo de DJ Pancho e DJ Munin.
O sábado 3, a partir das 17.00 horas, terá lugar o campionato de escoba e subastado. Xa pola noite, ás 00.00 horas, a Orquestra Tango e Mamí Discómovil serán os encargados da actuación musical.
O domingo 4, a xornada festiva comezará ás 12.30 horas coa misa solemne, acompañada pola Rondalla Xuntanza dos Pobos. A continuación haberá sesión vermú, festa e verbena coa Orquestra Ritmo Joven.
As festas pecharanse o luns 5 de outubro. Ás 13.00 horas celebrarase a misa solemne, seguida da procesión e da sesión vermú coa Charanga Los Sureños. Pola tarde e noite, a Orquestra Saudade poñerá a música á festa e á verbena.