Sociedade

A autora, natural de Trives, dará a coñecer o 29 de agosto no Auditorio Julio Vázquez unha obra marcada pola vida, os coidados e os sentimentos

O Auditorio Julio Vázquez de Trives acollerá o vindeiro 29 de agosto, ás 19.00 horas, a presentación de “Respirar también cuenta”, o primeiro libro da moza trivense Antía Pousa.

A obra nace desde a sensibilidade e a partir de experiencias persoais que deixaron pegada na autora, e aborda cuestións relacionadas coa vida, os coidados, os sentimentos e a importancia do acompañamento.

A presentación supón tamén unha oportunidade para poñer en valor o talento local e acompañar a Antía Pousa nun momento especial, coa publicación dunha obra que agora poderá compartir coa veciñanza e co público.

A cita terá lugar no Auditorio Julio Vázquez de Trives e está prevista para as 19.00 horas do sábado 29 de agosto.