Actualidade

O Concello de Taboada organiza este mércores unha xornada divulgativa na parroquia de Castelo, con charlas de astronomía e protección ocular antes de subir ao castro para observar a eclipse. A organización avisa de que xa non se repartirán lentes protectoras no propio acto por esgotamento das existencias

Taboada acolle hoxe, mércores 12 de agosto, unha xornada especial con motivo da eclipse solar de 2026. A cita comezará ás 18.00 horas no local veciñal de Castelo, onde terá lugar unha actividade preparatoria antes da observación do fenómeno.

Ademáis, ofrecerase unha breve introdución á astronomía e explicarase como protexer correctamente a vista durante a observación da eclipse.

Ás 19.00 horas, os asistentes subirán ao Castro de Castelo, un miradoiro desde o que se poderá contemplar o fenómeno nunha situación privilexiada. A sombra total da eclipse está prevista para as 20.28 horas.

Aclárase que durante a celebración do evento non se entregarán lentes protectoras, xa que as existencias dispoñibles nas dependencias municipais esgotáronse ante a alta demanda e non foi posible conseguir máis unidades.

A actividade conta coa colaboración da Asociación Cultural Castelo, o Concello de Taboada, a Deputación de Lugo e a Vicepresidencia da Deputación de Lugo.