Taboada celebrará o vindeiro 26 de setembro unha nova edición da súa Carreira Popular
O concello de Taboada volverá vestirse de festa deportiva o vindeiro sábado 26 de setembro coa celebración dunha nova edición da súa Carreira Popular, coñecida como 'Entre Pazos e Carballos'. A cita, que chega xa á súa décimo terceira edición, ofrecerá tres probas diferentes pensadas para todos os niveis e idades.
A xornada comezará ás 18.00 horas coa carreira absoluta, sobre unha distancia de 10.000 metros, que coincidirá en horario cunha segunda proba de 5 quilómetros, tamén con saída a esa mesma hora. Xa pola tarde-noite, a partir das 19.30 horas, disputaranse as carreiras correspondentes ás categorías escolares, con distancias que oscilarán entre os 100 e os 1.500 metros, en función da idade dos participantes.
Quen desexe participar en calquera destas probas xa pode formalizar a súa inscrición a través da plataforma Champion Chip Norte, dispoñible na súa páxina web oficial, onde se pode consultar toda a información relativa ao evento.