Sober retoma este martes as actividades deportivas con propostas para diferentes idades
Sober retoma esta semana a súa programación de actividades deportivas, con diferentes propostas tanto no núcleo municipal como nas parroquias. As persoas interesadas poden solicitar información e formalizar a inscrición no Centro Sociocultural de Sober.
A ximnasia de mantemento desenvolverase no Ximnasio Municipal os luns e mércores ás 11.00 horas e os xoves ás 17.30 horas. Esta actividade tamén se trasladará ás parroquias, con sesións os martes en Anllo, ás 16.00 horas, e en Bolmente, ás 17.15 horas; os mércores será a quenda de Rosende, ás 17.15 horas, e Canabal, ás 18.30 horas.
Pola súa banda, as sesións de tonificación terán lugar os martes e xoves ás 19.00 horas no Ximnasio Municipal. A programación complétase con pilates, que se impartirá os xoves ás 11.00 horas, tamén nestas instalacións.
O Ximnasio Municipal contará ademais cun horario específico de apertura. Os luns e mércores permanecerá aberto de 10.30 a 13.30 horas, mentres que os xoves poderá utilizarse entre as 17.30 e as 20.00 horas.
Para obter máis información ou realizar as inscricións, as persoas interesadas deben acudir ao Centro Sociocultural de Sober.