Sober recibirá o vindeiro 12 de novembro unha xornada de atención do CIM móbil
O concello de Sober recibirá o vindeiro 12 de novembro a visita do CIM móbil, o Centro de Información ás Mulleres que se despraza por distintos puntos do territorio para achegar os seus servizos á poboación.
A unidade itinerante instalarase na Praza do Concello de 10.00 a 14.00 horas, un horario no que o equipo do CIM atenderá de forma presencial a todas as persoas que queiran achegarse a consultar as súas dúbidas.
Durante esa franxa horaria, o servizo porá á disposición dos veciños e veciñas tres tipos de axuda: atención directa, asesoramento especializado e acompañamento personalizado, dirixidos especialmente ás mulleres do concello que precisen orientación ou apoio en distintos ámbitos.
Con esta iniciativa, Sober pasa a formar parte da lista de localidades que contan de forma puntual con este recurso móbil, pensado para que a información e o asesoramento cheguen tamén aos concellos que non dispoñen dun centro deste tipo de maneira permanente.