Agro

O servizo prestarase durante dúas xornadas no camiño do Palacio, á beira do colexio, con horario ampliado o primeiro día e só pola mañá o segundo

Imaxe de arquivo ilustrativa

O Concello de Sober será sede, os vindeiros 17 e 18 de decembro, dunha campaña de inspección técnica dirixida a tractores e outros vehículos agrícolas. O punto habilitado para levar a cabo estas revisións situarase no camiño do Palacio, nas inmediacións da entrada do colexio.

O primeiro día da campaña, o 17 de decembro, o servizo funcionará en horario partido: pola mañá de 09.00 a 13.30 horas, e pola tarde de 15.15 a 18.00 horas. Ao día seguinte, o 18 de decembro, as inspeccións concentraranse unicamente na quenda matinal, tamén de 09.00 a 13.30 horas.

Quen precise pasar a revisión deberá solicitar cita previa, un trámite que se pode xestionar de dúas formas: chamando ao teléfono 981 928 080 ou a través da páxina web www.sycitv.com. Dende a organización lémbrase que as reservas para este servizo poden realizarse cun mes de antelación á data desexada.