Comezan as festas de Mouruás e Reboledo en San Xoán de Río
As localidades de Mouruás e Reboledo, no concello de San Xoán de Río, celebrarán os días 24 e 25 de xullo as súas festas cun programa de actividades que combinará propostas musicais, actos relixiosos e iniciativas para todos os públicos.
A programación comezará o venres 24 de xullo ás 19.00 horas na Aira da Moura, espazo no que haberá música e servizo de bar para dar inicio ás celebracións.
Xa o sábado 25 de xullo, a xornada arrancará ás 13.30 horas coa misa solemne. A continuación celebrarase a sesión vermú e, ao longo da tarde, a música correrá a cargo de DJ Baby.
O programa festivo completarase con pinchos gratuítos para as persoas asistentes, unha sesión infantil e un espectáculo de fogos artificiais que porá o peche ás festas de Mouruás e Reboledo.