Sociedade

As instalacións estarán abertas en horario de 12:30 a 20:30 horas con prezos de abonos e entradas xa dispoñibles

O Concello do Pereiro de Aguiar abriu ao público este mércores as piscinas municipais de Veiga de Abaixo, que comezarán a súa tempada estival. As instalacións estarán operativas en horario de 12:30 a 20:30 horas.

O Concello informa de que xa están dispoñibles os prezos dos abonos de tempada e das cotas diarias, tanto para persoas empadroadas no municipio como para non empadroadas.

As entradas de cota diaria poderán adquirirse unicamente na propia piscina, mentres que os abonos de tempada deberán tramitarse nas dependencias municipais, achegando a documentación correspondente, entre a que se inclúe o DNI das persoas integrantes da unidade familiar ou solicitantes e o libro de familia, no caso de ser necesario.