Pedro Blanco reforza a colaboración coa Asociación de Empresas Ribeira Sacra Next
O delegado do Goberno en Galicia, Pedro Blanco, reuniuse esta mañá co presidente da Asociación de Empresas Ribeira Sacra Next, Severino Rodríguez, na sede da Delegación do Goberno, nun encontro no que ambas partes estreitaron lazos de colaboración.
Durante a reunión, o delegado destacou a acción do Goberno de España para conseguir que a Ribeira Sacra sexa declarada Patrimonio Mundial da UNESCO, un obxectivo no que, segundo lembrou, se vén traballando desde hai anos. Pedro Blanco sinalou que se está avanzando en todos os procesos necesarios con lealdade e colaboración institucional, “sempre coa idea de dinamizar a riqueza e o patrimonio da Ribeira Sacra como a nosa meta”.
Neste sentido, subliñou que o Ministerio de Cultura continúa traballando para acadar este recoñecemento, “con rigor e sen descanso, evidenciando o compromiso do Goberno”.