O Torneo Dina Val de Quiroga regresa en xullo coa súa novena edición
Quiroga acollerá os días 10, 11 e 12 de xullo unha nova edición do seu torneo, que alcanza xa a súa novena convocatoria e que, como vén sendo habitual, se celebrará durante a segunda fin de semana do mes.
O evento, consolidado no calendario local, volverá converter a vila nun punto de encontro para afeccionados do Fútbol Sala, coa intención de repetir o éxito das edicións anteriores e manter o crecemento desta proposta.
Xunto coa data do torneo, a organización deu a coñecer tamén o calendario de inscricións, que se abrirán o 1 de maio. Haberá un primeiro período, entre o 1 e o 15 de maio, cun prezo reducido para facilitar a participación. A continuación, establecerase un segundo prazo do 16 de maio ao 7 de xuño, seguido dun terceiro e último período entre o 8 e o 30 de xuño. Ademais, o 2 de xullo terá lugar o sorteo de grupos e a publicación do calendario de competición, un dos momentos clave previos ao inicio do torneo.