O Teleclub de Toubes organiza unha fin de semana chea de festa
O Teleclub de Toubes organiza os días 25 e 26 de xullo as festas na honra de Santiago e Santa Ana, cun programa que combina celebracións relixiosas e actividades de lecer para todas as idades.
A programación do venres 25 de xullo comezará ás 12.30 horas coa misa solemne. Ao remate terá lugar a sesión vermú no campo da festa, amenizada por DJ DAB.
Xa pola tarde, a partir das 18.30 horas, celebrarase un bingo musical dirixido ao público adulto, mentres que a rapazada poderá participar en diferentes xogos de auga.
A xornada continuará pola noite coa apertura do Teleclub, que permanecerá en funcionamento "ata que o corpo aguante", segundo indica a organización.
As festas continuarán o sábado 26 de xullo cunha misa solemne prevista para as 13.00 horas. Posteriormente, celebrarase unha nova sesión vermú no campo da festa, tamén coa música de DJ DAB.