O sábado día 10 chega a Monforte a comedia O Crime de Lady Sibila de Teatreiras

RibeiraSacraXa
O sábado día 10 chega ó concello de Monforte de Lemos a comedia O Crime de Lady Sibila do grupo teatral Teatreiras
grupo teatreiras
grupo teatreiras
1 dic 2022

O Crime de Lady Sibila chega este o sábado día 10 a Monforte de Lemos da man de Teatreiras. A representación terá lugar na Casa da Cultura Poeta Lois Pereiro do municipio ás 19.30 horas.

O Crime de Lady Sibila é unha comedia de enredo dirixida a tódolos públicos. Ten unha duración de 75 minutos e é unha adaptación que Francisca Abeledo fai da obra Os crimes de Sir Arthur Saville, de Oscar Wilde.

A obra conta a historia de Lady Sibila que está a punto de casar con Lord Artur. Nunha festa organizada na súa honra pola súa extravagante amiga Lady Winder, coñece a un famoso quiromántico que lle presaxia un destino fatal logo de lerlle as liñas da man. A inxenuidade leva á xove Sibila a obsesionarse coa predición, o que desencadeará unha serie de estrafalarias situacións e enredos de inesperado desenlace.

O grupo de teatro afeccionado Teatreiras de orixe monfortino, baixo a dirección e coordinación de Francisca Abeledo, é o responsable de facer desfrutar ó público con obras coma Realité ou Teatro e Mulleres.