Sociedade

A Praia Fluvial de San Clodio acollerá a actuación de Medianoche – Revisited, unha proposta centrada nos sons do jazz fusion e do smooth jazz

Ribas de Sil continúa coa súa programación do Verán 2026 cunha nova cita musical este venres, 21 de agosto. A Praia Fluvial de San Clodio acollerá, a partir das 23.00 horas, a actuación de Medianoche – Revisited, unha proposta centrada nos sons do jazz fusion e do smooth jazz.

A formación estará integrada por Mikel Edroso, á guitarra e harmónica, e Jugo Moreno, ao baixo.

A actuación permitirá desfrutar dunha noite de música ao aire libre nun dos espazos máis singulares do municipio, á beira do río Sil, dentro da programación cultural e de lecer do verán en Ribas de Sil.