O programa 'Salvamento e Socorrismo' chegará nos vindeiros días a Trives
O Concello de Trives acollerá o vindeiro martes, 25 de agosto, a partir das 11.15 horas, unha nova sesión do programa de fomento deportivo 'Salvamento e Socorrismo', impulsado por SALVOUR.
A actividade, organizada pola Concellería de Deportes do Concello, está dirixida aos nenos e nenas participantes no Campamento de Verán municipal. Enmárcase dentro do programa de fomento deportivo que conta coa colaboración da Deputación de Ourense e de SALVOUR, cuxo obxectivo é achegar disciplinas relacionadas co salvamento e o socorrismo á poboación infantil durante o período estival.
Con esta cita, Trives súmase á lista de concellos da provincia que este verán están acollendo distintas actividades do programa, orientadas a fomentar a práctica deportiva entre os máis pequenos a través de propostas lúdicas e formativas.