O obradoiro "Educación Emocional e Sexual na Familia" chega a Chantada o mércores
Quérote + impartirá un obradoiro de "Educación Emocional e Sexual na Familia" en Chantada o vindeiro mércores, 19 de abril.
Terá lugar desde as 17.00 ata as 18.30 horas no Telecentro de Chantada, onde haberá un espazo de conciliación para toda a rapazada a cargo de Velaísca.
Os obxectivos do taller son crear un espazo seguro para poder falar das dúbidas, preocupacións e dificultades dos nenos sen sentimentos de culpa ou xuízos de valor, dotar de coñecementos básicos para a educación sexual e construír ferramentas que axuden na xestión diaria da educación dos/as fillos e fillas.
O evento, organizado polo Servizo de Educación e Apoio Familiar de chantada, ten as prazas limitadas e para participar hai que inscribirse no correo educacionfamiliar@concellodechantada.org.
