O Hospital, en Quiroga, comeza este domingo as festas na honra de San Bartolomé
A localidade do Hospital, no concello de Quiroga, celebrará os días 23, 24 e 25 de agosto as festas na honra de San Bartolomé, cunha programación que combinará música, actos relixiosos e actividades para a veciñanza e visitantes.
As celebracións comezarán o domingo 23 de agosto cunha verbena amenizada por un DJ. O luns 24 terá lugar o día grande das festas. A xornada comezará cun pasarrúas a cargo do grupo O Recanto, seguido ás 13.00 horas da misa solemne. A continuación, a orquestra Acordes ofrecerá a sesión vermú e volverá actuar pola tarde e pola noite para amenizar a festa.
O martes 25 de agosto celebrarase ás 13.00 horas unha nova misa solemne. Posteriormente, o Dúo Dilema será o encargado da sesión vermú, mentres que pola noite a verbena correrá a cargo da orquestra Capitol.
As festas de San Bartolomé ofrecerán así tres días de celebración no Hospital, con propostas musicais e relixiosas para compartir coa veciñanza e as persoas que se acheguen á localidade.