O Festival dos Colados celebrará a súa segunda edición o 11 de xullo en Bolmente
O Festival dos Colados celebrará a súa segunda edición o próximo 11 de xullo en Bolmente, no municipio de Sober, cunha programación que combinará música, gastronomía e actividades para todos os públicos nunha xornada centrada na cultura do viño.
O evento desenvolverase entre as 11:30 e as 2:00 horas e busca ofrecer unha proposta festiva arredor do viño e das experiencias vinculadas ao territorio, incorporando tamén actividades familiares e de lecer.
No apartado musical, o programa Music & Wine contará coas actuacións de Os Parentes, Malenne, Movilla y Los Irrepetibles e Marcos Sabor Sax.
A programación incluirá ademais un espazo específico para o público infantil baixo o nome de Festikids, con propostas como a actuación de Mago Jcarron, actividades de globoflexia, obradoiros gratuítos e xogos tradicionais.
Xunto á oferta musical e infantil, o festival tamén contará con propostas gastronómicas e outras experiencias relacionadas coa celebración, nunha nova edición que converterá Bolmente nun punto de encontro arredor da cultura do viño.