Deportes

O club monfortino dá un paso cara á clasificación dos seus equipos de base para as Primeiras Divisións e o cadete accede á final da Copa Federación

O Club Voleibol Ribeira Sacra pechou a xornada do 26 e 27 de setembro con nove vitorias nos dez partidos disputados polos seus equipos nas diferentes competicións da Federación Galega de Voleibol.

Na categoría xuvenil feminina, o Ribeira Sacra venceu os dous encontros da Segunda Fase do Grupo 3, ambos por 3-0. O primeiro foi ante o Coruña B (25-22, 25-15 e 25-8) e o segundo fronte ao Dompavolei (25-21, 25-5 e 25-13).

O equipo infantil feminino Ribeira Sacra B tamén sumou dúas vitorias no Grupo 6 da Segunda Fase. Impúxose ao Korbis B por 3-1 (27-25, 25-21, 20-25 e 25-23) e ao Cambados Branco por 3-0 (25-8, 25-26 e 25-14).

No Grupo 5 da categoría cadete feminina, o Ribeira Sacra B gañou ao Voleibol Santiago por 3-1 (23-25, 27-25, 25-18 e 25-14), mentres que perdeu por 0-3 ante o Narón B (22-25, 18-25 e 19-25).

Os dous partidos disputados polo equipo alevín feminino na Segunda Fase do Grupo 2 remataron tamén con vitoria. O Ribeira Sacra superou ao Pontevedra por 0-3 (20-25, 15-25 e 15-25) e ao Teis B polo mesmo resultado (6-25, 17-25 e 10-25).

Pola súa banda, na Copa Federación Cadete, o Ribeira Sacra venceu ao Pontevedra por 3-0 (25-12, 25-15 e 27-25) e ao Liceo por 1-3 (14-25, 19-25, 25-14 e 12-25), resultados que lle permiten acceder á final da competición.

Desde o club destacan que os resultados desta xornada permiten aos equipos das categorías inferiores dar un paso cara á clasificación para as Primeiras Divisións das competicións da Federación Galega. Para completar este obxectivo, os equipos alevín e xuvenil necesitan sumar unha vitoria na próxima fin de semana ante un dos rivais aos que xa se impuxeron nesta xornada: Pontevedra ou Teis no caso do alevín, e Coruña B ou Dompavolei no xuvenil. Ademais, o equipo cadete conseguiu asegurar o seu pase á final da Copa Federación tras eliminar ao Pontevedra e ao Liceo.