O concerto do Grupo de Acordeóns Bieito Blanco reúne numeroso público na Praza da Souteira de Esgos
A Praza da Souteira de Esgos rexistrou unha notable asistencia de público durante o concerto ofrecido polo Grupo de Acordeóns Bieito Blanco, unha das actividades incluídas na programación de verán promovida polo Concello.
A actuación, celebrada o pasado venres 17 de xullo, reuniu a numerosos veciños e visitantes que seguiron o repertorio interpretado pola formación nun ambiente marcado pola participación e o interese do público.
O concerto forma parte do calendario de actividades co que o Concello busca dinamizar os meses de verán mediante propostas dirixidas a diferentes públicos. Ao longo da semana pasada tamén se desenvolveu a charla “Saúde sexual ao longo da vida”, incluída no Proxecto Maruxa Mallo, así como unha sesión de pilates ao aire libre na mesma Praza da Souteira.