Sociedade

A sesión terá lugar ás 11:30 horas e xirará arredor da obra ‘Siete días en el lago’, de Nuria Martí, ademais de incluír o préstamo de ‘La máquina del tiempo’

O Club de Lectura Fácil do Concello de Bóveda ten programada unha nova reunión para o día 26 de xuño, ás 11:30 horas, nun encontro no que os participantes compartirán impresións arredor dunha nova proposta literaria.

Nesta ocasión, o libro seleccionado para a súa posta en común será Siete días en el lago, da autora Nuria Martí, que centrará a sesión de análise e debate entre os membros do club.

Ademais, durante o encontro tamén se realizará o préstamo dunha nova obra, La máquina del tiempo, que pasará a ser o título proposto para futuras lecturas.

A actividade forma parte da programación cultural do Concello de Bóveda e está orientada a fomentar a lectura e o intercambio de opinións nun espazo participativo e accesible para a cidadanía.