O Club de Baloncesto de Chantada donará a recadación do partido do sábado á asociación Chantada contra o Cancro
RibeiraSacraXa
O Club de Baloncesto de Chantada donará a recadación do partido do sábado á asociación Chantada contra o Cancro
partido solidario chantada
10 Feb 2023
Este sábado o Club de Baloncesto de Chantada organiza un partido solidario con motivo do Día Mundial Contra o Cancro.
Así, a recadación do partido a través da compra das entradas e das rifas do sorteo irá integramente destinadas a Chantada contra o Cancro.
Ademais, o patrocinador principal do equipo de baloncesto de Chantada, Ucoga, únese á iniciativa e doará o dobre da cantidade de puntos anotados polo equipo chantadino á mesma asociación.
Neste evento competirán os equipos de baloncesto de Chantada e Ávila ás 18.30 horas no pavillón municipal do concello.
