O ciclo ‘Outono de Teatro 2026’ continúa en Bóveda cunha nova representación no Centro Sociocultural
RibeiraSacraXa
O grupo de teatro A Mariña de Cervo levará este domingo ao escenario a obra ‘A historia dun fidalgo para sempre lembrar’
24 Oct 2026
O programa ‘Outono de Teatro 2026’ de Bóveda continuará este domingo 25 de outubro cunha nova representación no Centro Sociocultural do municipio.
A compañía A Mariña de Cervo levará ao escenario a obra ‘A historia dun fidalgo para sempre lembrar’, incluída no Circuíto de Teatro Afeccionado. A función dará comezo ás 18.00 horas e estará aberta a todos os públicos.
A entrada será gratuíta. A actividade está organizada polo Concello de Bóveda coa colaboración da Vicepresidencia da Deputación de Lugo.