Sociedade

A sesión celebrarase o 9 de xullo ás 21.00 horas e a programación pecharase o día 10 coa proxección de San Simón

O Ciclo Mestre Mateo continúa esta semana en Pereiro de Aguiar coa súa programación cinematográfica cunha nova sesión prevista para este xoves, 9 de xullo, ás 21.00 horas no Auditorio dos Gozos, na que se poderá ver o documental '360 Curvas'.

A película percorre unha estrada de montaña para ofrecer unha reflexión sobre o rural, a memoria e os camiños que condicionan a vida dos territorios, tomando esa vía como símbolo da realidade de lugares que loitan pola súa supervivencia.

Tras esta proxección, o ciclo despedirá a súa programación o 10 de xullo, tamén ás 21.00 horas, co filme 'San Simón', última cita desta edición.