Montederramo convoca axudas de ata 70 euros por alumno para material escolar
O Concello de Montederramo abriu a convocatoria de axudas destinadas á adquisición de material escolar para as nenas e nenos empadroados no municipio. A contía será fixa e poderá alcanzar un máximo de 70 euros por alumno ou alumna.
As axudas financiaranse con cargo á aplicación orzamentaria 336.48001 do orzamento municipal de 2026, cunha dotación inicial de ata 1.500 euros. Esta cantidade poderá ampliarse no caso de que o crédito previsto se esgote e sexa necesario atender todas as solicitudes presentadas.
As persoas interesadas poden presentar as solicitudes de forma presencial no Rexistro Xeral do Concello de Montederramo, utilizando o modelo incluído no Anexo I das bases da convocatoria.
Tamén se poderá realizar a tramitación por vía electrónica a través da sede electrónica do Concello de Montederramo.