Sociedade

A actividade terá lugar o martes 25 de agosto no Mosteiro de Montederramo, de 17.00 a 20.00 horas

O Mosteiro de Montederramo acollerá o próximo martes, 25 de agosto, un taller dedicado á elaboración de pomadas e bálsamos medicinais a partir de plantas da contorna.

A actividade desenvolverase entre as 17.00 e as 20.00 horas e permitirá ás persoas participantes coñecer técnicas para preparar este tipo de produtos empregando plantas locais.

As persoas interesadas en participar poden formalizar a súa inscrición contactando con Juán Carlos, de Piel Natura, no teléfono 697 943 160.

O taller está organizado ao abeiro do proxecto de animación do GDR Sil-Bibei-Navea e conta co financiamento do FEADER a través do PEPAC 2023-2027