Grandes resultados dos atletas da Pobra de Trives na Copa Deputación de Atletismo
Os e as atletas da Pobra de Trives acadaron destacados resultados na Copa Deputación de Atletismo, sumando varias medallas en diferentes disciplinas de lanzamento e na proba de relevos 4x100 metros.
No apartado de lanzamento de disco (800 g) e lanzamento de peso (3 kg), Ana Basalo González proclamouse campioa, logrando dúas medallas de ouro.
Pola súa banda, Deva Posada Domínguez obtivo o subcampionato tanto en lanzamento de disco (1 kg) como en lanzamento de peso (3 kg), mentres que Daina González Pérez acadou tamén a prata na proba de lanzamento de peso (3 kg).
En categoría masculina, Martín Rodríguez González conseguiu o subcampionato nos relevos 4x100 metros, ademais dunha medalla de bronce en lanzamento de peso (4 kg).
Pola súa parte, Nicolás Eduard Lascu destacou con dous títulos de campión, tras impoñerse en lanzamento de xavelina (500 g) e en lanzamento de peso (3 kg).