Sociedade

Haberá misa, música e verbena para amenizar a xornada

A aldea de Vilasibil, na parroquia de Meiraos (Folgoso do Courel), celebrará este sábado, 25 de xullo, as súas festas na honra de Santiago Apóstolo cunha xornada que combinará os actos relixiosos e a música.

A programación comezará ás 13.00 horas coa celebración da misa. A continuación terá lugar a sesión vermú, amenizada pola Asociación Musical Son do Ladra-Sureños.

Pola tarde, ás 18.00 horas, celebrarase a alborada coa mesma agrupación musical. Despois actuará o Dúo Euphoria, que tamén será o encargado de amenizar a verbena xunto cun DJ.

Durante a xornada, ademais, realizarase o sorteo dunha carretilla cargada de produtos entre as persoas que participen na compra de tíckets.