Sociedade

A actividade celebrarase o 19 de outubro no local de Fondo de Vila e incluirá dinámicas para compartir experiencias e crear redes de apoio

O CIM Móbil achegará a Folgoso do Courel un obradoiro de autocoidado dirixido a mulleres, unha actividade que busca ofrecer un espazo para compartir experiencias e favorecer a creación de redes de apoio entre as participantes.

A sesión desenvolverase o luns 19 de outubro, a partir das 10.30 horas, no local de Fondo de Vila, en Folgoso.

Durante o obradoiro realizaranse diferentes dinámicas relacionadas co autocoidado e co fortalecemento dos vínculos entre as mulleres participantes, co obxectivo de facilitar un espazo de encontro e intercambio.

Ao remate da actividade, o Concello ofrecerá unha chocolatada ás asistentes.