Deportes

A actividade, encamiñada a aprender nocións básicas e recursos sinxelos ante situacións de risco, non require experiencia previa nin esforzo físico

O Concello de Folgoso do Courel organizou un curso práctico pensado para que as participantes adquiran coñecementos básicos de defensa persoal, así como ferramentas sinxelas que poidan resultar útiles ante posibles situacións de risco.

Trátase dunha proposta pensada para resultar accesible e amena, sen esixir ningún tipo de esforzo físico destacado. De feito, desde a organización subliñan que non é necesario contar con experiencia previa nin cunha preparación especial para poder participar.

A formación terá lugar o vindeiro 16 de setembro, en horario de 16.00 a 20.00 horas, na Casa do Concello de Folgoso do Courel. Estará impartida por Juan José Martínez.

As persoas interesadas en asistir poden formalizar a súa inscrición nas oficinas municipais ou a través do teléfono 982 433 001, ata o día 15 de setembro.