Espertamonforte cuestiona o nomeamento do novo cargo no Eixo Atlántico

O colectivo Espertamonforte fixo público o seu desacordo co nomeamento do rexedor de Monforte como vicepresidente da Comisión Executiva do Eixo Atlántico, organismo que agrupa a numerosos concellos de Galicia e do norte de Portugal.
Segundo explica a agrupación, este tipo de nomeamentos deberían valorarse sempre atendendo a principios de exemplaridade, responsabilidade e ética pública, que consideran que deben estar presentes no desempeño de calquera cargo institucional.
Espertamonforte defende que os cargos públicos non deben entenderse como un recoñecemento persoal alleo á responsabilidade que implican, e que as institucións deben ser espazos baseados na confianza, o respecto e a igualdade.
O colectivo insiste en que o seu posicionamento non cuestiona a nivel persoal a ninguén, senón que busca poñer o acento na responsabilidade política e ética que, ao seu xuízo, debe acompañar a quen asume a representación de institucións públicas. Para Espertamonforte, a defensa da dignidade institucional debe situarse sempre por riba de calquera interese particular.