Entregados os trofeos do VII Torneo de Fútbol-8 CF Monforte no campo Luis Bodegas
O alcalde de Monforte, José Tomé, acompañado polo concelleiro de Deportes, José Manuel Mougán, participou este sábado na entrega de medallas e trofeos do VII Torneo de Fútbol-8 CF Monforte, que se celebra no campo municipal Luis Bodegas.
No acto tamén estivo presente a presidenta do club, Vanesa Fernández. A competición está organizada polo CF Monforte en colaboración co Concello e reúne equipos de diferentes puntos de Galicia.
Na xornada do sábado disputouse o torneo na categoría infantil, con equipos como SD Sarriana, UD Ourense, SD Becerreá, CD Allariz, CDC Pereiro, CD A Rúa, EDC Verín e o propio CF Monforte. Na final, o CD A Rúa proclamouse campión tras impoñerse ao CF Monforte, que quedou en segunda posición. O terceiro posto foi para o SD Becerreá.
O alcalde felicitou aos participantes e trasladou os parabéns aos equipos gañadores, destacando o ambiente deportivo da competición.
O torneo continúa este domingo coas categorías prebenxamín, benxamín e alevín, que se disputan en varios campos simultaneamente. En cada unha delas participan oito equipos procedentes de distintos clubs galegos, completando así unha fin de semana de fútbol base no municipio.