Deportes

A proba, organizada polo Chantadino Master Team, será puntuable para o ranking da Federación Española de Ciclismo e contará con categorías masculinas e femininas

Chantada acollerá este domingo, 27 de setembro, a primeira edición do Ciclocross Concello de Chantada, unha competición incluída no calendario do Superprestixio Ciclocross 2026-2027.

A proba estará aberta ás categorías infantil, cadete, júnior, sub-23, élite e máster, tanto na modalidade masculina como na feminina. O evento corresponde a unha proba de ciclocross 1.33.5 puntuable para o ranking da Federación Española de Ciclismo (FEC).

A organización correrá a cargo do Chantadino Master Team, coa colaboración do Concello de Chantada.