Carballedo celebra a Festa dos Nenos con inchables, xogos e festa da escuma no Pavillón da Barrela
RibeiraSacraXa
A actividade terá lugar este domingo e contará con propostas de lecer para a cativada, incluíndo merenda e un tobogán acuático-terrestre
26 Jun 2026
O Concello de Carballedo organiza este domingo, 28 de xuño, a Festa dos Nenos, unha xornada de lecer dirixida á rapazada que se desenvolverá no Pavillón Municipal da Barrela a partir das 17:00 horas.
A programación inclúe inchables, tobogán acuático-terrestre, festa da escuma, xogos e merenda para os máis pequenos e pequenas da casa, nunha tarde pensada para o entretemento infantil e familiar.