Carballedo acollerá obradoiros dixitais para mellorar o uso do móbil entre persoas maiores
Carballedo acollerá obradoiros dixitais para mellorar o uso do móbil entre persoas maiores
A formación desenvolverase en xuño e está dirixida a usuarios con teléfono móbil intelixente
O municipio de Carballedo será escenario durante o mes de xuño dun programa de obradoiros baixo o nome de “Nómadas Dixitais”, unha iniciativa formativa gratuíta centrada en ensinar a utilizar o teléfono móbil dun xeito máis útil, seguro e práctico.
A actividade está dirixida especialmente a persoas maiores que dispoñan dun smartphone e estrutúrase en dous niveis. O Nivel I impartirase os días 1 e 3 de xuño, mentres que o Nivel II terá lugar os días 5, 8 e 12 de xuño.
Os obradoiros buscan mellorar as competencias dixitais básicas dos participantes, facilitando o uso cotián do móbil e reforzando a súa seguridade no entorno dixital.
A participación é totalmente gratuíta e as persoas interesadas poden formalizar a súa inscrición chamando ao teléfono 982 46 62 01.