Bóveda deu inicio ao seu ciclo de teatro de outono cunha proposta de Alentía Teatro
Bóveda iniciou esta semana a súa programación cultural de outono coa representación de ‘Tesouros da man aberta’, a cargo de Alentía Teatro. O espectáculo, dirixido ao público familiar, serviu para abrir o ciclo no Centro Sociocultural.
A programación continuará o 25 de outubro, ás 18.00 horas, coa actuación do grupo A Mariña, de Cervo, que presentará ‘A historia dun fidalgo para sempre lembrar’. A proposta estará aberta a todo tipo de público.
En novembro, o día 22 ás 19.00 horas, será a quenda de Lume Escénico, compañía da Pontenova, que levará ao escenario a obra ‘Inquisítame outra vez’, recomendada para persoas maiores de 14 anos.
O ciclo pecharase o 26 de decembro, ás 17.00 horas, coa actuación de Loia Producións e a montaxe ‘A boneca de trapo’, dirixida ao público infantil.