Sociedade

Trátase do contacontos “Os contos de Pablísimo presenta Príncipas e Princesos”, que terá lugar o día 23

O Concello de Bóveda, a través da Axencia de Lectura municipal, organiza unha actividade especial para nenos e nenas con motivo do Día do Libro, que se celebrará o vindeiro 23 de abril no Centro Sociocultural.

A proposta leva por título “Os contos de Pablísimo presenta Príncipas e Princesos” e está dirixida ao público infantil e familiar. O espectáculo terá lugar ás 12:30 horas e forma parte da programación cultural impulsada arredor desta conmemoración.

A actividade está cofinanciada pola Consellería de Cultura, Lingua e Xuventude da Xunta de Galicia, a través do programa Ler conta moito, que busca fomentar a lectura e dinamizar a actividade cultural nos municipios galegos.