As xornadas “Cada vimbio conta” chegan este martes á Pobra de Trives
As xornadas “Cada vimbio conta” chegan á Pobra da Pobra de Trives no marco dun programa de dinamización dos espazos expositivos etnográficos e etnolóxicos da provincia de Ourense impulsado pola Universidade de Vigo. A actividade forma parte da xornada “Alicerces”, que se celebrará este martes 19 de maio no Museo da Escola e da Infancia.
O programa comezará ás 17:00 horas coa presentación da actividade. A continuación, ás 17:15 horas, terá lugar a presentación dos espazos convidados, entre eles o Museo da Escola e da Infancia, representado por Rosa Carballo; o Museo da Limia, con Miguel Navarro; e o Museo Antropolóxico da Ribeira Sacra, con Manoel Carrete. A xornada continuará ás 18:35 cunha dinámica participativa e un debate en grupos e, ás 19:35 horas, pecharase o encontro cunha visita ao propio Museo da Escola e da Infancia.