Arredor de 400 persoas participarán este sábado no V Trail Heroica Sacra
Arredor de 400 persoas tomarán parte na quinta edición do Trail Heroica Sacra, que se celebrará o próximo sábado 27 de xuño, nunha cita deportiva que reunirá participantes en diferentes categorías e percorridos.
O evento conta con varias modalidades adaptadas a distintos niveis e idades, incluíndo o Trail longo (+1800 m), o Trail medio (+1100 m), o Trail curto (+550 m), unha carreira para menores, unha andaina e a modalidade de relevos (18 km + 15 km). Tamén se desenvolverá a proba Pequeno Heroico, prevista para o venres 26 de xuño.
Na categoría de Trail longo están inscritas 47 persoas, mentres que no Trail de relevos participan 44 e no Trail medio un total de 112 deportistas. O Trail curto suma 109 inscritos, e a andaina conta con 57 participantes, completando así unha previsión total próxima aos 400 participantes.
A organización destaca a consolidación desta cita deportiva, que combina deporte, natureza e promoción do territorio a través dun evento que reúne cada ano a un elevado número de participantes.